Þreyta og Noregur

Vá hvað ég er búin að vera þreytt síðustu daga, var á næturvöktum í vikunni og eftir það er ég bara búin að vera sofandi mikið. Þetta hlýtur að vera uppsöfnuð þreyta og það gerist jú stundum fyrir alla :)
Er búin að hafa það fínt, á föstudaginn bauð Eddi mér á Caféhús og við fengum okkur gott að borða og síðan kíktum við í Kringluna. Um kvöldið eldaði ég kjúkling í ofni fyrir systkinin mín, ég held að þetta hafi verið í fyrsta sinn í LANGAN tíma sem að við systkinin borðum saman kvöldmat. Mamma og pabbi eru úti í Kanarí með Snædísi frænku og hafa það fínt þar :) *græn af öfund*!
Það eru bara 11 dagar þangað til ég fer til Noregs aftur, er sko sannarlega farin að sakna þess að búa þarna eða vera þarna. Það eru liðnir 14 mánuðir síðan ég var þarna :) ó hvað ég ætla sko að fá mér lømpe med kyllingpølse, potetsalat og ketchup! *slef*! (Lumma með kjúklingapylsu, kartöflusalati og tómatsósu).
Það eru nokkrir staðir þarna sem ég virkilega sakna... t.d Frogner Parken, Karl Johansgate, National theatre og Aker brygge.Frogner Parken er stór grasagarður sem er ekki langt frá Majorstua, á sumrin keyptum við okkur oft einnota grillpakka, pylsu ásamt meðlæti og fullt af bjórum. Fórum þangað í Frogner Parken, sátum þar í sólbaði, spiluðum og drukkum Ringnes eða Tuborg bjóra. Ó guð hvað ég sakna sumarið ´05 sem ég hafði það svo yndislega gott með vinum mínum úti, þá aðalega Stine Bay. Karl Johansgate er "laugavegurinn" í Osló. National theatre er fallegur staður með bekkjum og gosbrunnum. Aker Brygge er bryggja í Osló með fullt af bátum, bæði stórum og litlum, þar eru líka fullt af veitingahúsum og bari.